മലയാള പ്രേക്ഷകര്‍ ഇരുകൈയ്യും നീട്ടി സ്വീകരിച്ച താര ജോഡികളാണ് ദിലീപും കാവ്യയും. ഇടയ്ക്ക് ഇരുവരും തമ്മിലുള്ള ബന്ധം ഏറെ ചര്‍ച്ചയായിരുന്നു. മഞ്ജു വാര്യരുടെ വിവാഹ മോചനവും കാവ്യയുമായി താരതമ്യപ്പെടുത്തി വാര്‍ത്തകള്‍ വന്നു. പിന്നീട് ഇരുവരും തമ്മില്‍ വിവാഹിതരാകുന്ന വാര്‍ത്ത വരികയും അവര്‍ തന്നെ നിഷേധിക്കുകയും ചെയ്തു. ഇതോടെ ഇരുവരും ഒന്നിച്ചഭിനയിക്കാതെയായി.
വെള്ളരിപ്രാവിന്റെ ചങ്ങാതിയാണ് ഇരുവരും അവസാനം ഒന്നിച്ചഭിനയിച്ച സിനിമ. വളരെ ഇഴുകിച്ചേര്‍ന്നഭിനയിച്ചതിന്റെ പേരില്‍ ഏറെ വിമര്‍ശനം കേട്ടെങ്കിലും നിരവധി അവാര്‍ഡുകള്‍ ലഭിച്ചിരുന്നു. നാല് വര്‍ഷത്തിന് ശേഷമാണ് ഇരുവരും വീണ്ടും ഒന്നിക്കുന്നത്.
നെടുമുടി വേണു, വിജയരാഘവന്‍, ഇന്ദ്രന്‍സ്, കെപിഎസി ലളിത, നന്ദു സ്രിന്ത, രവി വള്ളത്തോള്‍, പി ശ്രീകുമാര്‍, സുധീര്‍ കരമന, എം കെ ഗോപാലകൃഷ്ണ്‍ എന്നിവരാണ് മറ്റു വേഷങ്ങള്‍ ചെയ്യുന്നത്. മറാഠി സിനിമയിലെ പ്രശസ്ത സുബോധ് ഭാവെ ചിത്രത്തിലൊരു പ്രധാനവേഷത്തിലെത്തുന്നുണ്ട്.
ബേബി മാത്യു സോമതീരവും അടൂര്‍ ഗോപാലകൃഷ്ണനും ചേര്‍ന്നാണ് നിര്‍മാണം. 2008 ല്‍ പുറത്തിറങ്ങിയ ഒരു പെണ്ണും രണ്ട് ആണും എന്ന ചിത്രത്തിന് ശേഷം അടൂര്‍ സംവിധാനം ചെയ്യുന്ന ചിത്രം കൂടിയാണിത്.
അടൂരിനൊപ്പം കാവ്യയുടെ രണ്ടാമത്തെ ചിത്രമാണ്. നാലു പെണ്ണുങ്ങള്‍ എന്ന സിനിമയില്‍ കാവ്യ പ്രധാനവേഷത്തിലെത്തിയിരുന്നു. ദിലീപ് ആദ്യമായാണ് അടൂര്‍ ചിത്രത്തില്‍ അഭിനയിക്കുന്നത്. ഇരുവരുടെയും കരിയറില്‍ തന്നെ ഏറ്റവും മികച്ച കഥാപാത്രമായിരിക്കും ഈ സിനിമയിലേത്.